Untitled Document
 Насловна  Мапа на сајтот   mak   eng


9/20/2018 

Мени
 Профил на општината
 Градоначалник и совет
 Организациона поставеност на секторите
 Месни заедници
 Спорт и млади
 Документација
 Издавачка дејност (Службени гласници)
 Формулари и жиро сметки
 Информативен центар
 Детални урбанистички планови
 Актуелни тендери
 Верификувани документи од Советот
 Карта на општината
 Контакт
 Училишен спорт
 Унија на спортски педагози-Кисела Вода
 ЈКП Комуналец - Кисела Вода
 Извештаи за стратегиска оценка на животната средина
 Оттуѓување на градежно земјиште - актуелни објави
 Известувања
 Извештај на Координаторот за еднакви можности на жените и мажите за 2012 година на Општина Кисела Вода

 
Општина Кисела Вода го прославува 58-от роденден
29.06.2013

Со неколку настани, денеска најстарата општина во градот Скопје го прославува нејзиниот 58-ми роденден. Одбележувањето започна со свечена седница на Советот на општината, на која присуствуваа потпретседателот на Собранието на Република Македонија, поранешни претседатели на Советот, поранешни советници, претставници на бизнис заедницата, членови на општинската администрација, претставници на основните училишта, детските градинки и други гости. Свечената седница ја отвори претседателот на Советот на општината, г-нот Трајче Донев, кој ги поздрави присутните и им се заблагодари за нивното присуство.
-“ Советот на Општина Кисела Вода, како претставничко тело на граѓаните, кое ги носи Програмите за работа на општината и Одлуките за подобрување на инфраструктурата во општината, никако не смее да заборави дека “Неговото Величество – Граѓанинот” е секогаш на прво место!!! Советот на Општина Кисела Вода е орган избран “од” и “за” граѓаните. Тука не смееме да имаме никакво двоумење – порача претседателот Донев.
Свој настап имаа и учениците од основното училиште ,,Кузман Јосифовски Питу” со изведба на националната химна.
Присутните гости со пригоден говор ги поздрави градоначалникот Билјана Беличанец - Алексиќ, која се надоврза на претседателот на Советот и искажа благодарност за конструктивната и успешна соработка со Советот на почетокот на административното делување.
-“Од самиот почеток, со изборот на Тасе Ивановски за претседател и Александар Јовановски за секретар на Народниот одбор на Општина Кисела Вода во 1955 година, па се до денес на кормилото на најстарата скопска општина застанале преку 20 челници, кои со својата пожртвуваност и несебично залагање придонеле Општина Кисела Вода да го најде своето место во семејството на успешни општини во Република Македонија” – изјави градоначалникот Беличанец - Алексиќ.
Таа наведе дел од досега реализираните проекти и порача дека тие проекти ќе беа само парче испишана хартија, доколку не беа поддржани од Советот на Општината.
-“Ја користам оваа прилика да искажам голема благодарност до членовите на Советот на Општина Кисела Вода за нивната конструктивност и позитивен пристап во решавањето на предизвиците со кои се соочува општината од една страна, но и нашите сограѓани, од друга страна. Само со ваков, сериозен и проактивен пристап ќе можеме да ги следиме потребите на граѓаните и ќе овозможиме развојот на Општина Кисела Вода да се одвива со уште позабрзано темпо, во насока на подобрување на квалитетот на услугите кон нашите сограѓани” – заврши Беличанец - Алексиќ.
На свечената седница, градоначалникот додели и плакета на г-нот Звонко Спасовски (поранешен претседател на Советот и актуелен советник во Општината), за особен придонес во развојот на општината, а вакви плакети во отсуство беа доделени и на поранешниот градоначалник на општината, Марјан Ѓорчев и на директорката на ЈДГ “Весели Цветови”, Павлина Карамазова. 
Одбележувањето на роденденот продолжи со дефилето на Буба клубот и мото клубот “Ноќни Волци”, кои направија парада низ целата општина и го финишираа дефилето во урбаната заедница Расадник, каде пред кафулињата “Кватро” и “Гет” се одржа голема забава, со перформанс на еден од најдобрите македонски диџеји – Ицко. Присутните гости можеа да уживаат со пијалоци по дампинг цени. На забавата, градоначалникот Билјана Беличанец – Алексиќ ги додели наградите за најубаво уреден двор и тераса во општината Кисела Вода, за кои општината обезбеди пригодна награда – бесплатно летање со балон. Поради неповолните временски прилики, победниците, г-ѓата Ленче Велковска и г-нот Зоран Смоковски, ваучерот за бесплатно летање со балон ќе го реализираат во некоја следна прилика.
Активностите за одбележување на роденденот на општината продолжуваат попладнево со организација на Хуманитарна Коријада. Имено, во паркот “Фредерик Шопен”, во периодот од 17:30-19:00 часот, Активот на жени – пензионери од Кисела Вода во соработка со општината Кисела Вода и волонтерите од Дневниот центар на Црвениот Крст ќе ги изложат домашно приготвените специјалитети. Сите заинтересирани граѓани по симболични цени ќе можат да дегустираат дел од вкусните пити, подготвени од вештите раце на жените пензионери од Кисела Вода. Собраните средства ќе бидат донирани во хуманитарни цели, однонсо ќе се доделат на социјално загрозени семејства од општината.










 


 


 

Untitled Document

Пребарување
Внесете клучни зборови:
  во
 
Анкета
Дали сте задоволни од ажурирањето на веб-страната со нови информации?
Да
Не
резултати
 
Актуелно
 Архива
 Дискусии

http://www.kiselavoda.gov.mk/217/Cetirigodisna brosura Rabotna Verzija_5.pdf
http://www.kiselavoda.gov.mk/files/217/Broshura KV.pdf
http://www.kiselavoda.gov.mk/files/217/opstina kisela voda brosura A5 za meil korekcija.pdf
http://www.kiselavoda.gov.mk/files/217/brosura A5.pdf
http://www.kiselavoda.gov.mk/files/217/ednagodina.pdf
http://www.kiselavoda.gov.mk/files/217/Prezentacija MEEP Kisela Voda 2010-2014 FINAL.pdf
http://kiselavoda.gov.mk/mak/index.asp?id=273
http://kiselavoda.gov.mk/mak/diskusii.asp?temaid=1
www.mt.com.mk
 
     
Copyright © 2005 Municipality of Kisela Voda, All rights reserved