Во насока на создавање на чиста животна средина, Општина Кисела Вода овој месец ги зголеми активностите. Во сите месни и урбани заедници ќе се врши генерално чистење со специјалните општински возила опремени со канистри за вода. Ќе се преземаат групни акции за расчистување на мали и средни депонии, а кон крајот на месецов, Општината ќе започне со активности за собирање кабаст отпад, кои предвидено е да се одвиваат три седмици. За точниот датум на почетокот на активностите за собирање кабаст отпад граѓаните ќе бидат дополнително известени.