Општина Кисела Вода од денес, спроведува дератизација на јавните површини на нејзината територија.  Постапката за уништување на  глодарите започна од урбаната заедница Пржино, а со истата, во наредните две седмици ќе бидат опфатени јавните површини и низ останатите месни и урбани заедници низ општината.

Дератизацијата ја спроведува ЈЗУ Центар за јавно здравје  во соработка со ЈП Водовод и канализација и општина Кисела Вода, преку Секторот за комунални работи, инфраструктура, сообраќај и заштита на животната средина.

Мамците против штетните глодари ќе бидат поставени во 3863 шахти. Во денешната акција, беа опфатени 188 шахти.