Загадувањето на почвата има големо влијание врз целата планета, а ќе има и голема улога во благосостојбата на идните генерации. Најдоброто што денес може да се стори е да се спроведат мерки за забавување на нејзиното загадување и да се исчистат загадените области, онаму каде тоа е можно. Непревземањето на мерки само ќе дозволи загадувањето да напредува, до онаа точка, каде почвата ќе стане причина за намалување на здравјето на населението, како и појдовна точка на можни епидемии. Исто така, не смее да се заборави зголемувањето на човечката популација, која се очекува во следните 40 години да порасне за 40%. Токму, поради овој податок, многу е важно почвата да ја сочуваме, се со цел да го прехрани населението. Доколку не се воведат никакви мерки за намалување на загадувањето на почвата, можно е земјата повеќе да не може да ја издржува целата популација, а со тоа многумина ќе прибегнат кон синтетички извори на храна, кои и самите се причина за создавање на голем број на болести.

 

Кои се причините за загадување на почвата и како понатаму?

 

Во последно време, често се говори за загадувањето на воздухот. Слики на чад од автомобилите, како и од индустриските оџаци се вградени во нашите умови. Емисиите од нашите автомобили се следат, додека пак, многу големи градви имаат и аларми за смог. Од сите постоечки информации, разговори и мерки за загадувањето, еден од најчесто игнорираните несакани ефекти од нашето секојдневие е секако загадувањето на почвата.

Загадувањето на почвата, исто така познато и како контаминација на истата, е предизвикано од вештачки, штетни хемикалии кои продираат во земјата и предизвикуваат нејзино уништување. Постојат голем број на здравствени ризици кои се поврзани со загадувањето на почвата, преку директен контакт со неа или од загадувачите на воздухот. Без разлика дали станува збор за високо индустриски развиени земји каде постојат регулативи за заштита на почвата или во земјите во развој без такви способности, прашањето за загадувањето на почвата е огромен проблем. Познавањето на причините и потенцијалните решенија, можат да помогнат да се ублажат некои од ризиците.

 

Причини за загадувањето на почвата

 

Земјоделието – Употребата на хемикалии, како дел од земјоделството е на рекордно ниво. Без разлика дали станува збор за зголемување на производство на различни култури или пак за ограничување на растот на штетниците, хемикалиите како што се хербицидите и пестицидите се интегрален дел од нашиот земјоделски процес. Овие хемикалии, без разлика на нивната намена не се природно произведени, па затоа и неможат да се разложат во природата. Како резултат на тоа, тие завршуваат во почвата, намалувајќи ја плодноста на истата. Во друг случај, растенијата кои ги абсорбираат овие хемикалии, на крајот ќе умрат.

 

Индустрија – Најголем виновник за загадувањето на почвата е индустриската активност. Дури, и откако се донесени закони и се превземени мерки на претпазливост, рударството и производствените процеси продолжуваат да бидат главна причина за загадувањето на почвата. Индустрискиот отпад, без разлика дали е депониран како дел од процес, неправилно отстранет или поради несреќен случај, предизвикува хаос во почвата.

 

Отпад создаден од човекот – Како дел од нашето секојдневие, знаејќи или незнаејќи сме дел од загадувачите на почвите. Тоа може да биде, неправилно отстранување на токсичен отпад кој завршува во депониите или во водните тела или пак оној отпад кој поминува низ канализационата мрежа и завршува во почвата.

 

Сечата на шумите – Сечењето на шумите има индиректен ефект врз загадувањето на почвите. Како што се сечат дрвјата, изложената почва лесно се контаминира за време на ерозија. Со отстранување на дрвата, земјата не е способна да ја подржи вегатацијата.

 

Кисел дожд – Се јавува кога загадувачите на воздухот, како што се сулфурдиоксидот и азотниот оксид се мешаат со дождот. Докажано е дека истиот негативно влијае врз почвата, со растворање на важни хранливи материи, па дури и со промена на структурата на почвата.

 

Ефекти од загадувањето на почвите

 

Ефектите од загадувањето на почвите се многубројни. Од оштетената почва најголемо влијание ќе има неодржливоста на животот на планетата Земја. Растенијата нема да растат, а живиот свет кој зависи од нив ќе исчезне. Настрана овие, страшни причини, загадувањето има и неколку други последици и тоа: Создавање на нови болести; Нарушување на екосистемите со што се предизвикува штета на одредени животински видови и намалена плодност на почвата.

 

Што треба да се превземе понатаму?

 

Иако постојат закони и регулативи, постојат и други чекори, кои ние луѓето можеме да ги превземеме за да се спречи загадувањето на почвата, а тие се:

 

v  Документирање на хемикалиите кои се користат во земјоделството;

v  Рециклирање;

v  Ограничување на пестицидите;

v  Пошумување;

v  Биоремедијација;

v  Користење на биоразградливи материи;

v  Користење на почвени адитиви; и

v  Перење на почвата.