Утре, сабота, 28.11.2015, во 10:30 минути, МЗ 11 Октомври-бараки (последна автобуска станица на линијата 4), Општина Кисела Вода заедно со друштвото за управување со отпад “Нула Отпад” отпочнува голема еколошка акција за собирање на електронски и електричен отпад (стари и неупотребливи мали и големи електрични апарати, компјутери и компјутерска опрема, телевизори, видео рекордери, музички системи, електричен алат…), која до крајот на годината ќе се спроведува во сите урбани и месни заедници на територија на оваа општина.

Граѓаните од урбаните заедници  11 Октомври-бараки,  11 Октомври-ЗГРАДИ и Цветан Димов , оваа сабота ќе можат да го донесат стариот уред, кој ќе биде превземен од страна на “Нула Отпад”, ќе биде соодветно селектиран и на крај рециклиран. За граѓаните кои ќе се вклучат во оваа акција ќе бидат обезбедени вредносни ваучери. Во текот на наредните денови, согласно предвидениот распоред, акцијата ќе се спроведе и во другите урбани и месни заедници.

Ги покануваме редакциите на пишаните и електронските медиуми да испратат новинарска екипа (новинар и снимател или фоторепортер) да го проследат настанот.