Утре одбојкарките на ЖОК „Јанта Волеј“ од Кисела Вода ќе имаат можност да се запознаат и да тренираат со поранешниот најдобар југословенски и српски репрезентативец Владимир Грбиќ – Вања.

Покрај ова Грбиќ ќе го презентира претстојниот летен камп кој во негова организација оваа година ќе се одржи во Соко Бања, Србија. На истиот одбојкари од повеќе држави ќе се стекнат со нови искуства.

Светски познатиот одбојкар Грбиќ во неговата спортска кариера за одбојкарската репрезентација играл на Олиписки игри, Светски и Европски првенства на кои има освоено многу медали и пехари. Покрај ова награден е за животно дело од Европската одбојкарска Федерација, а беше прогласен и за најдобар одбојкар во Европа.

Настанот кој е во организација на „Јанта Волеј“ во спортската сала „Независна Македонија“ e со почеток во 19:00 часот. Љубителите на одбојката тренингот ќе може бесплатно да го проследат.