Градоначалникот Орце Ѓорѓиевски денес беше домаќин на хрватската амбасадорка Нивес Тигањ. На средбата во Општина Кисела Вода, Ѓорѓиевски ги презентираше плановите и проектите кои се дел од неговата програма и кои веќе започна да ги реализира.

Соговорниците посебно се осврнаа на можностите за подобрување на деловната клима во општината. Подобрувањето на инвестицискиот амбиент ќе донесе значајни економски придобивки за граѓаните, беа согласни и градоначалникот и амбасадорката на Хрватска.

Од страна на амбасадорката Тигањ беше потенцирана желбата за соработка преку иницирање на проекти во сите области од заемен интерес. Посебен акцент беше ставен врз користењето на хрватските искуства во поглед на искоритувањето на средствата со европските фондови.

Оваа прва средба беше заокружена со договор за развивање и зацврстување на соработката со Република Хрватска што ќе значи нови проекти во интерес на жителите на општина Кисела Вода.