“Секој жител и секоја куќа се важни, и во 2021 година ќе започнеме изведба на канализациона мрежа во другите делови на општината “ – истакна градоначалникот Филип Темелкоски при извршениот увид во изградбата на секундарна фекална канализација во Усје која што е во тек.
“Квалитетот на живот во сите делови на општината ни е врвен приоритет. Се обидуваме со ограничените расположливи средства да постигнеме што е можно повеќе“ – рече претседателот на Советот на Општината, Дарио Шимиќ.
За време на посетата тие разговараа и со жителите, ги слушнаа нивните барања за дополнителни приоритетни потреби и активности. По барање на граѓаните првично проектираната траса во должина од 2.986 метри, ја зголемивме со изградба на дополнителни 275 метри со што бенефит ќе имаат дополнителни 20 семејства.
