Во завршна фаза се градежните активности за изградба на паркинг на улицата “Бранко Заревски” во населбата Драчево.

Денес се работеше на асфалтирање на површината од околу 3500 квадратни метри на која се предвидени околу 60-тина места за паркирање.

-Во наредните денови жителите на овој дел од Драчево ќе го добијат ветениот простор за паркирање. Се работи за доста фревентна локација, бидејќи во непосредна близина се наоѓа пазарот. Сакам да нагласам дека станарите од зградите на улицата “Бранко Заревски”, ќе имаат бележани места за нивните возила, но со оглед на тоа што се работи за голема површина, места ќе има и за други граѓани кои ќе имаат потреба таму да се паркираат. Воедно, сакам да најавам дека интензивно работиме на повеќе проекти кои ќе овозможат зголемување на бројот на паркинг места во сите делови на општината-изјави градоначалникот Орце Ѓорѓиевски при денешниот увид во градежните работи на оваа локација.