Со заеднички спортски активности, Општина Кисела Вода ја одбележува Детската недела. Денес, во дворот на ООУ „Партенија Зографски“, основците беа домаќини на децата од градинката ЈДГ „Весели Цветови“ ,објект „Мимоза“.
Настанот започна со ритмички точки преку кои децата испратија пораки за важноста на детските права, еднаквоста и меѓусебното почитување, по што се премина на спортските терени.
Натпреварите поминаа во знакот на фер-плејот и тимската игра, без притисок за победа. Фокусот на денешното дружење беше да се потсети дека секое дете има право на игра, безгрижен развој и еднакви можности.