Општина Кисела Вода ги известува жителите на населба Драчево дека од денеска Јавното претпријатие за државни патишта започнува со реконструкција на главниот мост над Маркова Река.

Поради изведбата на градежните активности, во претстојниот период можно е отежнато одвивање на сообраќајот во овој реон. Од тие причини, упатуваме апел до сите учесници во сообраќајот за трпение, разбирање и доследно почитување на времениот сообраќаен режим.

Реконструкцијата на мостот е исклучително значаен чекор кон унапредување на локалната инфраструктура и зголемување на безбедноста за сите граѓани.