Интерактивен час по музичко образование се одржа во ООУ „Кузман Јосифовски – Питу“. Проектот кој е предвиден со наставниот план и програма се одржа во соработка со средното музичко училиште „Илија Николовски – Луј“.

 Учениците од средното музичко училиште ги запознаа шестоодделениците со македонските традиционални народни песни и инструменти. Заеднички дискутираа за тоа како се изработени инструментите, од кога датираат, како звучат заедно, колку е тешко да се научи да се свири на секој од посочените инструменти, но и за потеклото на старите македонски песни.

Како потврда за добрата соработката помеѓу двете училишта наскоро е планирана посета на учениците од деветто одделние на средното музичко училиште „Илија Николовски – Луј“.