Сениорската екипа на КК „Ангели“ од Кисела Вода, изминатиов викенд на гостински терен, во рамки на втората сениорска лига, со резултат 67-46 триумфираше над екипата на КК „Струмица“.

„Нашата екипа во текот на целиот натпревар беше во водство. Победата над екипата од Струмица за нас е од големо значење, затоа што игравме со тим, кој исто како нас има амбиции да се натпреварува во првата кошаркарска лига. Со оваа победа се задржавме на првото место на табелата“  – изјави Благоја Кечовски, тренер на КК „Ангели“.

Следниот викенд кошаркарите на „Ангели“, на домашен терен, во спортската сала „Независна Македонија“, силите на теренот ќе ги одмерат со екипата на КК „Феникс“.