По повод 50 годишниот  јубилеј на Општина Карпош, вчера спортски екипи од  Карпош, Кисела Вода, Аеродром и Гази Баба играа мал фудбал и кошарка.Во спортската сала „Партизан“, кошаркарите одКисела Вода убедливо ја победија Гази Баба со резултат 44:33, а екипата од  Аеродром го совлада Карпош со 44:41. На фудбалскиот терен во ООУ „Христијан Тодоровски -Карпош“, на полуфиналните натпревари Карпош ја совлада Кисела Вода со 6:1, а и Аеродромци со Гази Баба одигра со идентичен резултат 6:1.Финалните натпревари  почнуваат денеска (27.10.2026) од 11:00 часот. За првото место во кошарка, силите на теренот ќе ги одмерат екипите од Кисела Вода и Аеродром, а за третото место ќе се надигруваат Карпош и Гази Баба.На натпреварот во мал фудбал,  младите спортисти од општините Кисела Вода и Гази Баба ќе се натпреваруваат за третото место, додека за прво место ќе се борат екипите на Карпош и Аеродром.