Утре без напојување на електрична енергија, во периодот од 11 до 15 часот ќе останат корисниците на ул„Ѓорѓи Динката“, ул.„Скендер Бег- Кастриот“ и ул.„Иван Хаџиниколов“ во општина Кисела Вода.

По информација добиена од Регионалниот центар за управување со кризи на Град Скопје, општина Кисела Вода известува дека причина за прекинот во снабдувањето со електрична енергија е изведувањето зафати во дистрибутивната мрежа од страна на екипите на ЕВН Македонија АД.