Општина Кисела Вода ве повикува на големо дружење утре, сабота (04.10.2014) од 12 до 14 часот на игралиштето Славија во Пржино, каде младите од општината ќе имаат можност да ја изразат својата креативност и умешност преку изработката на графити. Настанот ќе биде музички поддржан Дј Че. “Ден на графити”, како што е насловен овој настан, општината и Градоначалникот Билјана Беличанец Алексиќ го организираат како давање свој придонес во поттикнувањето на сите млади луѓе за креативен и здрав начин на живот и развојот на современиот урбан уметнички израз кај нив.