По одиграното 18 коло заврши регуларниот дел на шаховската лига помеѓу месните заедници во општината. Според организаторот, Одделението за спорт, прворангираните четири екипи ќе разигруваат во плеј оф за шампионската титула. Инаку, одиграните редовни кола ветуваат интересна и неизвесна борба за шаховскиот трон.
Од постигнатите резултати колку е мала разликата во квалитет може да се види и од самата табела каде првопласираната екипа на М.З. Бирарија од второ пласираната М.З. Пинтија и бега само за еден бод, а на трето пласираната М.З. Пржино со два бода. Иако М.З. Пржино, бодовно, има заостаток од прво и второ пласираната екипа таа на своето конто има по три повеќе добиени партии од своите конкуренти што е уште еден показател за равноправноста на трите екипи. Иако М.З. Село Драчево бодовно заостанува зад големата тројка не смее да биде потценета од своите противници и сигурно е дека во плејофот ќе ја искористи својата шанса доколку истата ја добие.
Двојките во полуфиналето во плејофот, за шампионската шаховска титула за 2014/2015 година се М.З. Бирарија- М.З. Село Драчево и М.З. Пинтија- М.З. Пржино. Победниците во финалето ќе се борат за првото, а поразените за третото место. Натпреварите ќе се одиграат на 24 март 2015 (вторник), во големата општинска сала (барака 7) во 10 часот.
Инаку, во 18-тото коло се постигнаа следниве резултати:
М.З.11 Октомври (бараки)-М.З. Бирарија 1½:2½
М.З. Црниче-М.З. 11 Октомври (згради) 2½:1½
М.З. Населба Драчево- М.З. Пинтија 1:3
М.З. Село Драчево-М.З. Кисела Вода- 3:1
М.З. Пржино- Општина Кисела Вода 3:1
Заостанато 10-то коло:
М.З. 11 Октомври (згради)- М.З. Бирарија 1½:3½
КОНЕЧНА ТАБЕЛА:
- М.З. Бирарија 29 (47,5)
- М.З. Пинтија 28 (47,5)
- М.З. Пржино 27 (50)
- М.З. Село Драчево 21 (39,5)
- М.З. Кисела Вода 19 (39,5)
- М.З. 11 Октомври (бараки) 14 (29)
- М.З. Црниче 13 (32)
- М.З. 11 Октомври (згради) 11 (26)
- М.З. Населба Драчево 10 (21,5)
- Општина Кисела Вода 6 (23)
