Концертна музичка програма понуди културното лето “Три круши”, изминатиов викенд. Покрај феноменалниот настап на Миле Кузмановски во петокот, успешен целовечерен концерт на верско-рекреативниот центар “Три круши” во саботата, одржаа музичките ѕвезди Силви и Влатко Плевнеш, кои 25 години блескаат на музичкото небо под името Силви Бенд.

“Ме полудуваш”, “Романса”, “Песна за нас”, “Болеро” беа само дел од хитовите кои ги изведоа Силви и Влатко, а интерпретацијата на незаборавната и безвременската “Ангели ме носат” предизвика еуфорична реакција кај публиката.

Овогодинешното културно лето во Кисела Вода завршува престојниот викенд, со гостување на неколку реномирани музички ѕвезди.