Течат градежните активности за изградба на уште еден проект кој се реализира на барање на граѓаните. Новоизграденот сквер ќе се протега на 400 квадратни метри, во близина на економско-правното училиште, ”Васил Антевски Дрен”. 

 Комплетно хортикултурно и партерно уреден, со клупи, канделабри, јавна чешма и парковско зеленило, просторот е поделен на два дела: парк со фонтана –чешма и детско игралиште. До крајот на февруари  ќе им обезбеди на дечињата од општина Кисела Вода, безбеден простор за игра и рекреација, а на нивните родители спокоен одмор.

 Проектот е изработен од проектантската куќа “Инпума“, изведувач е АД “Пелагонија Гостивар”. Се работи за комплетна инвестиција на општина Кисела Вода во износ од 2 100 000 денари.  Изградбата на овој објект претставува  наша обврска бидејќи најмладите жители на општината и потребите кои тие ги имаат се секогаш приоритет за нашата граѓанска заедница.