По повод одбележувањето на 50 години од основањето,  ,,Општина Карпош“ организираше  ,,Меѓуопштински спортски игри“, каде учествуваа  општински селекции составени од талентирани ученици од основните училишта. Овојпат, се играше во три спорта  мал фудбал и кошарка во машка и одбојка  во женска конкуренција.  Селекциите на таленти од ,,Општина Кисела Вода“ учествуваа во натпреварувањето во  сите три спорта и на двапати играше во финалето. Покрај, домаќините од ,,Карпош“ и талентите од ,,Кисела Вода“, со свои екипи  се претставија и селекциите на теленти од скопските општини ,,Гази Баба“ и ,,Аеродром“.  Се играпше по куп систем, а гледачите со огромно задоволство ги следеа мајсторските потези на талентираните спортисти во реновираната спортска сала  ,,Партизан“ како и на отвореното  фудбалско игралиште на основното училиште ,,Христијан Тодоровски-Карпош“.  Во сите четири дена, спортските таленти од општините ,,Карпош“,  ,,Кисела Вода“ ,, Гази Баба“ и ,,Аеродром“ во сите три спорта демонстрираа борбеност, квалитетни натпревари, тимска игра, спортски дух, но, не изостана ниту  фер-плејот, генерациското дружење, спортската едукација и  секако, забавата.   Селекциите на општината Кисела Вода предводени од селекторите Тамара  Јанкова, Благоја Кечоски, Наташа Петровска Дургутов и Горан Андоноски, постигнаа добри резултати. Во кошарката, го освоивме второто место. Нашите таленти во возбудливо финале беа поразени од соодветната селекција на ,,Аеродром“ со 52:45. Во овој спорт трети беа домаќините, додека, селекцијата ,, Гази Баба“ го освои четвртото место. Во одбојката пак, избраничките на  нашата врвна одбојкарка Тамара Јанкова, по победата во полуфиналето над врсничките од  ,,Гази Баба“ со 2:1, во финалето беа поразени од    селекцијата на Карпош со 2:0 во сетови.  Во мал фудбал, пак, триумфира ,,Аеродром“ пред  ,,Карпош“ ,, Гази Баба“ и ,,Кисела Вода“. По одигрувањето на финалните натпревари пехарите и дипломите ги доделуваше градоначалникот на Општина Карпош Сотир Лукровски.