Денес градоначалникот на Општина Кисела Вода Филип Темелковски, придружуван од страна на Бојана Ацева, член на Советот на општината, го означи почетокот на градежните работи за изградба на фекална и атмосферска канализација во населба Пржино.

Општина Кисела Вода со цел да им обезбеди подобри услови за живот на жителите на населбите Пржино и Црниче, на ул. Зеленгора започна со активности за изградба на фекална канализација во должина од 82 метри и атмосферска во должина од 66 метри.

На теренот градежните активности ги изведува фирмата АД Енергомонт Скопје. Според планот истите треба да завршат до крајот на овој месец.