На 5-ти октомври (сабота) учениците од основното училиште „Круме Кепески“ ја посетија библиотеката „Браќа Миладиновци“ со цел да учествуваат во хуманитарната акција „Читај книга и подари здравје“. По тој повод беше организиран отворен ден каде јавни личности имаа улога на библиотекари, со цел паричните средства да се донираат на детската клиника за организирање „Игротека-библиотека“ во која хоспитализираните деца ќе можат да го поминуваат своето време во играње и читање книги.

Учениците: Теодора Спасовска 8-5 одделение, Невенка Спасовска 8-5 одделение, Ева Наумоска 8-5 одделение, Весна Тасевска 8-5 одделение и нивниот одделенски раководител, Татјана Пеливанова, професор по македонски јазик, имаа чест да бидат зачленети во библиотеката од г-ѓа Маја Иванова. Учениците ја разгледаа библиотеката и се запознаа со библиотечниот фонд, ја следеа претстава на театар на сенки, следеа литературно читање, ја посетија детската креативна работилница „Мали креативци”, а се фотографираа со омилениот писател Горјан Петревски, со групите: Пеперминт, Нокаут и со други видни личности.