Во среда, 27.11.2013 година, жителите на Општина Кисела Вода ќе имаат можност да се вклучат во големата есенска акција “Ден на дрвото – засади ја својата иднина”, со што ќе придонесат за унапредување на животната средина. Акцијата за садење ќе се реализира на локацијата Мршевци, за којашто има организиран превоз.

Автобусите во општина Кисела Вода ќе тргнуваат од два пункта и тоа 3 автобуси ќе тргнат од спортската сала Расадник и еден автобус од паркот кај поштата во нас. Драчево. Организираниот превоз на граѓаните од двата пункта ќе се одвива во две тури, а авотбусите ќе тргаат од 09:00 и 11:00 часот.

Општина Кисела Вода ги повикува сите граѓани активно да се вклучат во оваа акција која годинава се реализира под мотото: “ЗАСАДИ ЗДРАВЈЕ! ЗАСАДИ ЗДРАВА ИДНИНА!”, со цел да се добие масовност и да се насадат што повеќе дрвја.