Градоначалникот на Општина Кисела Вода, Билјана Беличанец – Алексиќ, заедно со претседателот на Советот, Трајче Донев, претставници на општинската администрација и членови на Советот на општината, почнувајќи од 23.09.2013 година (понеделник), ќе започне со редовна посета на сите месни и урбани заедници во општината. Првата средба, градоначалникот Беличанец – Алексиќ ќе ја одржи со жителите од месната заедница Потстаница, а во следниот период од 3 недели, ќе посетува по две месни заедници дневно.

Целта на посетите е граѓаните да иницираат и таргетираат прашања од комуналната, сообраќајната сфера, локалниот економски развој, екологијата и други теми од локален интерес, а истовремено и да учествуваат во креирањето на локалните политики со давање на идеи и сугестии.