Лионс клуб центарот од Скопје вчера се приклучи кон акцијата на Лионс дистрикт 132 Македонија, симболично наречена “Садиме бели рози за почиста средина за живеење”. Акцијата се реализираше во Општина Кисела Вода, со донација од 100 бели рози кои се засадија на три локации во Општина Кисела Вода: паркот “Фредерик Шопен”, дворот на градинката “Мимоза” и дворот на ОУ “Кирил Пејчиновиќ”.

“- После анализата за можните пречистувачи на воздухот од тешките метали, се дојде до сознание дека белата роза е водечка во абсорбцијата на оловото и кадмиумот од загадениот воздух. Со оваа донација сакаме да придонесеме кон поздрава и почиста животна средина – вели Марко марковски, член на Лионс клуб центарот од Скопје, кој најави можност во акцијата “Ден на дрвото” да се вклучи и Лионс клуб центарот од Скопје со донација на нови садници од бели рози кои би се засадиле на територијата на општината Кисела Вода.